საქართველოს პრემიერლიგა 11 აგვისტოს დაიწყება

   

საქართველოს ჩემპიონატში მონაწილე კლუბების წარმომადგენლები დღეს კიდევ ერთხელ შეიკრიბნენ, ამჯერად შეხვედრა დიღმის ბაზაზე გაიმართა და სამ საათზე მეტხანს გასტანა.
შეხვედრაზე გადაწყდა, რომ ჩემპიონატი 12 გუნდიანი იქნება, რომლის ფორმატიც ასეთია: 22 ტურის შემდეგ გუნდები ზედა და ქვედა ექვსეულებად დაიყოფიან, 6-6 გუნდი ცალ-ცალკე განაგრძობს თამაშს და პირველ-მეორე წრეში დაგროვილი ქულები მომდევნო ეტაპზე გადაჰყვებათ. სულ ჩატარდება 32 ტური.
ჩემპიონატი 11 აგვისტოს დაიწყება, ხოლო პროფლიგის რეგისტრაცია 18 ივნისს მოხდება. პროფლიგის პრეზიდენტობის კანდიდატებად გია ფირცხალავა და ვლადიმერ გუცაევი განიხილებიან, თუმცა არაა გამორიცხული, სხვა კანდიდატებიც გამოჩნდნენ. უმაღლეს ლიგას კი პრემიერლიგა დაერქმევა.