,,ჩიხურას" პირველი მეტოქე ,,კოლხეთია"

   

16 ივლისს, სფფ-ში გამართულ მორიგ შეხვედრაზე, კლუბები და ქართული ფეხბურთის მმართველი ორგანო მომავალი ეროვნული ჩემპიონატის თითქმის ყველა დეტალზე შეთანხმდნენ.
ამჯერად, შეხვედრას უმაღლესი ლიგის 12-ვე კლუბის წარმომადგენელი ესწრებოდა. მათ შორის, „ზესტაფონის“ პრეზიდენტი  ილია კოკაია, „ვიტ ჯორჯიას“ პრეზიდენტი გურამ რუხაძე, მარტვილის „მერანის“ პრეზიდენტი ფრიდონ ინჯია. შეხვედრზე ასევე იყვნენ სპორტისა და ახალგაზრდობის საქმეთა მინისტრი ლადო ვარძელაშვილი და მინისტრის მოადგილე დავით კასრაძე.
ვინაიდან, წინა ორ შეხვედრაზე, ფაქტიურად, ყველა საკვანძო საკითხზე მოხდა შეთანხმება, ამ ჯერზე, კლუბების წარმომადგენლებმა საკითხები შეაჯამეს, კიდევ ერთხელ გაიარეს და დასასრულს, მომავალი ეროვნული ჩემპიონატის კალენდრის კენჭისყრაც ჩაატარეს. თუმცა, ამაზე ოდნავ მოგვიანებით.
მოგეხსენებათ, წინა შეხვედრაზე კლუბების წარმომადგენელთა საბჭომ მოიწონა და დაამტკიცა ეროვნული ჩემპიონატის სახეცვლილი სტრუქტურა (იხილეთ ბმული - http://gff.ge/GFF.aspx?newid=2521). ასევე, გაირკვა ჩემპიონატის დებულებაში დასაფიქსირებელი ყველა შენიშვნა და წინადადება. მას შემდეგ, რაც სფფ-ის გენერალური სამდივნო დებულების ტექსტის რედაქტირებას მოახდენს, ივლისის ბოლომდე სფფ-ის აღმასრულებელი კომიტეტი შეიკრიბება და აღნიშნულ დოკუმენტს დაამტკიცებს. 
კლუბების წარმომადგენლებმა კიდევ ერთხელ შეცვალეს წინა შეხვედრაზე მიღებული გადაწყვეტილება ე.წ. „გადათამაშების“ შესახებ. ასე რომ, საბოლოო გადაწყვეტილებით, უმაღლეს ლიგაში მე-10 ადგილზე გასული გუნდი, გადათამაშებას აღარ ითამაშებს პირველი ლიგის მესამე ადგილზე გასულ გუნდთან.
მნიშვნელოვანი გადაწყვეტილება იქნა მიღებული ჭაბუკთა ლიგის გათამაშებასთან დაკავშირებითაც. ახალი სეზონიდან, ჭაბუკთა ლიგის ორივე ასაკის ჩემპიონატებში (1995-96 წწ. და 1997-98 წწ. დაბადებულები) გუნდების რაოდენობა 16-მდე გაიზარდა. ამასთან, 1995-96 წლებში დაბადებულთა ჩემპიონატში, თითო გუნდში თამაშს ასევე შეძლებს შვიდი 1994 წელს დაბადებული ფეხბურთელი. 
კლუბის თხოვნით, პირველ ლიგაში თამაშის უფლება მიეცა „დინამო 2“-ს, რომელიც დაკომპლექტებული იქნება 1989 და მომდევნო წლებში დაბადებული ფეხბურთელებით. ხოლო პირველი გუნდიდან კი, „დინამო 2“-ში თამაშს შეძლებს ხუთი ფეხბურთელი. შეგახსენებთ, რომ ჩემპიონატის მოგების ან მეორე ადგილზე გასვლის შემთხვევაში, „დინამო 2“ უმაღლეს ლიგაში არ აინაცვლებს.
კვლავ მკაცრად დადგა საწევროების გადახდის საკითხი (60 ათასი ლარი). კლუბების საბჭოს ერთსულოვანი გადაწყვეტილებით, ვინც 1 აგვისტომდე საწევროს არ შეიტანს, ავტომატურად დაქვეითდება პირველ ლიგაში.
აქვე იმასაც გეტყვით, რომ საქართველოს ჩემპიონატის პირველი ლიგის ტექნიკური სპონსორი იქნება კომპანია „Saller“-ი, რომელიც ყველა გუნდის ეკიპირებაზე იზრუნებს.
ამ ეტაპზე არ კონკრეტდება, თუმცა, უმაღლესი ლიგის სასპონსორო ხელშეკრულებებზე მიდის მოლაპარაკებები რამდენიმე სოლიდურ კომპანიასთან.
რაც შეეხება კენჭისყრის შედეგებს, ახალ ცხრილში გუნდები ასეთი თანმიმდევრობით გადანაწილდნენ:
1. ზესტაფონი
2. მეტალურგი
3. ტორპედო
4. დინამო ბათუმი
5. კოლხეთი
6. დილა
7. ვიტ ჯორჯია
8. ჩიხურა
9. სიონი
10. ზუგდიდი
11. დინამო თბილისი
12. მერანი
ჩემპიონატის პირველი ტური კი, 10-11-12 აგვისტოს გაიმართება. პირველ ტურში ერთმანეთს შეხვდებიან:
ზესტაფონი - მერანი
მეტალურგი - დინამო თბილისი
ტორპედო - ზუგდიდი
დინამო ბათუმი - სიონი
კოლხეთი - ჩიხურა
დილა - ვიტ ჯორჯია

სფფ-ის საშეჯიბრო კომიტეტი კალენდრის საბოლოო ვარიანტს უახლოეს დღეებში მოამზადებს და მისი სრული ვერსიის ნახვას სფფ-ის ოფიციალურ ვებ-გვერდზე შეძლებთ.
ჩემპიონატის დაწყებამდე, კლუბების წარმომადგენლები კიდევ ერთხელ შეიკრიბებიან. 30 ივლისს, დღის 13:00 საათზე შეხვედრა კვლავ სფფ-ში გაიმართება.

 

სფფ-ის პრესსამსახური

 
 
ჩიხურა : გურია
მატჩის ჩატარების თარიღი: 19 აპრილი, 2014, 16:00
 
 

 

1      დინამო (თბ)      26           17           4           5           56:19           55          
2 ზესტაფონი 26 15 4 7 35:17 49
3 სიონი 26 13 6 7 34:25 45
4 ჩიხურა 26 11 6 9 43:40 39
5 მეტალურგი 26 11 6 9 31:30 39
6 გურია                                     26 11 0 15 27:38 33

 

 
26/03/2014
 
 

სოციალური ქსელები